Մոնթրէալի ՀԲԸՄ-ի «Ալեք Մանուկեան» Դպրոցի Այցելութիւն

Մարտ 2, 2017-ին Հայաստանի Հանրապետութեան ԶՈՒ Հոգեւոր Առաջնորդ՝ Գերաշնորհ Տէր Վրթանէս Եպս. Աբրահամեանը, Գանատահայոց Թեմի Առաջնորդ՝ Տէր Աբգար Եպս. Յովակիմեանն ու Գանատահայոց Թեմի Դիւանապետ՝ Լեւոն Իսախանեանն այցելեցին Մոնթրէալի մէջ ՀԲԸՄ-ի «Ալեք Մանուկեան» դպրոցը։

Եպիսկոպոսներն այցելեցին երկու դասարաններ, որոնցմէ մէկն էր՝ վերջերս ժամանած Սուրիահայ աշակերտներուն կրթութիւն ստանալու կարիքները հոգալու համար դպրոցի կողմէն յատուկ տրամադրուած դասարանը։

Այս առիթով, փոքրիկներն երգեցին հոգեւոր եւ ազգային երգեր, ինչպէս եւ ստացան ՀՀ ԶՈՒ Առաջնորդ՝ Տէր Վրթանէս Եպիսկոպոսի օրհնութիւնն ու նուէրները։

Աշակերտներուն հետ հանդիպումէն յետոյ, երկու Սրբազան Հայրերը հանդիպում ունեցան դպրոցի տնօրենութեան հետ ու քննարկուեցան ՀՀ ԶՈՒ հոգեւոր ծառայութեան հետ կապուած զանազան նյութեր։

Տեղին է նշել, որ Մարտ 1-11, 2017-ին, Գանատայի ԶՈՒ Հոգեւոր Առաջնորդի հրաւէրով եւ Գանատահայոց Թեմի համագործակցութեամբ՝ Հայաստանի Հանրապետութեան ԶՈՒ Հոգեւոր Առաջնորդ՝ Գերաշնորհ Տէր Վրթանէս Եպս. Աբրահամեանը պաշտօնական այցով հասած է Գանատայ, հոգեւոր գիտելիքներ փոխանակելու եւ Հայկական ու Գանատական ԶՈՒ հոգեւորականներու համագործակցութիւնը ամրապնդելու ուղիները քննարկելու նպատակով։

Back to top
X