Այցելութիւն ԱՄՆ Հայոց Արեւելեան թեմ

Հոկտեմբեր 29-էն Նոյեմբեր 2-ը 2016, Գանատահայոց Թեմի Առաջնորդ Գերաշնորհ Տէր Աբգար Եպիսկոպոս Յովակիմեանի գլխաւորութեամբ, Թեմի պատուիրակութիւնն այցելեց ԱՄՆ Հայոց Արեւելեան թեմ՝ մասնակցելու շարք մը կարևոր միջոցառումներուն, որոնց կը նախագահէր Ծայրագոյն Պատրիարք և Ամենայն Հայոց Կաթողիկոս Ն.Ս.Օ.Տ.Տ. Գարեգին Բ։ Այցի ընթացքին Սրբազան հօր պատուիրակութեան մասնակից էին Գանատահայոց Թեմի Փոխ-Առաջնորդ, Թորոնթոյի Սուրբ Երրորդութեան եկեղեցւոյ հովիւ, Արժանապատիւ Տէր Զարեհ Աւագ քահանայ Զարգարեանը, Թեմական Խորհուրդի դիւանի անդամներ՝ Տիկին Աբեթ Ալբայը, Պարոն Օհան Օհանէսսեանը, Պարոն Ժիրայր Տոլարը և Պարոն Անդրանիկ Շիրինեանը, ինչպես նաև երիտասարդներու ներկայացուցիչ՝ Օրիորդ Արինէ Քեմքեմեանը։
Հիւսիսային Ամերիկայի Հայ Առաքելական եկեղեցիներու Առաջնորդներ՝ Տէր Խաժակ Արքեպիսկոպոս Պարսամեանը (Արևելեան ԱՄՆ), Տէր Յովնան Արքեպիսկոպոս Տէրտէրեանը, (Արևմտեան ԱՄՆ), և Տէր Աբգար Եպիսկոպոս Յովակիմեանը (Գանատա), ինչպէս նաև ՀԲԸՄ-ի նախագահ Պարոն Պերճ Սեդրակեանը հրաւիրած էին, Ն.Ս.Օ.Տ.Տ. Գարեգին Բ-ին Նիւ Եորքի մէջ, Գերագոյն Հոգևոր Խորհուրդի հանդիպում գումարելու համար։ Այս հանդիպումը կը նշուի, որպէս Հայաստանէն դուրս Գերագոյն Հոգեւոր Խորհուրդի առաջին ժողովը։
Շաբաթ օր, Հոկտեմբեր 29-ին, Ամենայն Հայոց Կաթողիկոսի նախագահութեամբ՝ տեղի ունեցաւ ՀԲԸՄ-ի 89-րդ ընդհանուր ժողովը, ինչպէս և ՀԲԸՄ-ի 110-ամեակին նուիրուած տօնակատարութիւն։
Կիրակի, Հոկտեմբեր 30-ին, Նիւ Եորքի Սուրբ Վարդան Հայկական Եկեղեցւոյ մէջ մատուցուեցաւ Սուրբ Պատարագ մեծարելով Ն.Ս.Օ.Տ.Տ. Ամենայն Հայոց Կաթողիկոսի գահակալության 17-րդ տարեդարձը, յաւարտ Սուրբ Պատարագի տեղի ունեցաւ հանդիսութիւն Հայկ և Ալիս Քավուքճեան սրահին մէջ։
Հոկտեմբեր 31-էն Նոյեմբեր 1-ը, Ամենայն Հայոց Կաթողիկոսի նախագահութեամբ, ու Գերագոյն Հոգեւոր Խորհուրդի անդամներուն, Հիւսիսային Ամերիկայի Թեմերու Թեմական Խորհուրդներու դիւաններուն և ՀԲԸՄ-ի Կեդրոնական Վարչութեան հետ համատեղ պատմական հանդիպում տեղի ունեցաւ Նիւ Եորքի Արևելեան Թեմի կեդրոնին մէջ։
Ամենայն Հայոց Կաթողիկոսն իր պատգամը փոխանցեց մասնակիցներուն: Նորին Սրբութիւնը՝ հաւաքի կապակցութեամբ իր գոհունակութիւնը յայտնեց ներկաներուն և իր օրհնութիւնն ու գնահատանքը փոխանցեց Հիւսիսային Ամերիկայի երեք Թեմերու Առաջնորդներուն՝ Տէր Խաժակ Արքեպիսկոպոս Պարսամեանին, Տէր Յովնան Արքեպիսկոպոս Տէրտէրեանին, և Տէր Աբգար Եպիսկոպոս Յովակիմեանին, ինչպէս նաև ՀԲԸՄ-ի նախագահ Պարոն Պերճ Սեդրակեանին, Գերագոյն Հոգևոր Խորհուրդին, Թեմական խորհուրդներուն ու ՀԲԸՄ-ի Կեդրոնական Վարչութեան անդամներուն։
«Եկեղեցին տանիլ դէպի ժողովուրդը, հասնիլ Հիւսիսային Ամերիկայի մէջ ապրող հայութեանը» վերնագրուած կարգախօսը յստակ կ՚ուղենշէ այն ճանապարհը, որով պիտի ընթանանք համատեղ այս ժողովին և միասնաբար խորհրդածենք այն խնդիրներու և մարտահրաւէրներու շուրջ, որոնք այսօր ծառացած են Հիւսիսային Ամերիկայի մէջ կայք հաստատած մեր ժողովուրդի զաւակներուն ազգային ու եկեղեցական կեանքին առջեւ: Հայաստանեայց Առաքելական Սուրբ Եկեղեցին, որ դարեր շարունակ եղած է հայու հոգիին ծննդավայրը եւ հայու ինքնութեան երաշխաւորն ու պաշտպանը, կոչուած է ծառայել աշխարհասփիւռ մեր ժողովրդին, իրենց ազգային ու հոգևոր կեանքին մէջ միշտ կենդանի պահել Տիրոջ Աւետարանի կենարար խօսքը եւ առաջնորդել անոնց դէպի փրկութիւն: Մեր Եկեղեցւոյ տէրունաւանդ առաքելութիւնը միշտ եղած է եւ կը մնայ նոյնը, սակայն նոյնը չեն ժամանակի եւ մարդկային կեանքի պայմանները», – ըսաւ Ամենայն Հայոց Կաթողիկոսը, նշելով, որ 21-րդ դարը նոր մարտահրաւէրներ կը նետէ մարդկութեան վրայ եւ նոր իրավիճակներ կը ստեղծէ աշխարհասփիւռ հայ ժողովուրդին համար:
ՀԲԸՄ-ի նախագահ Տիար Պերճ Սեդրակեան նշեց, որ ՀԲԸՄ-ն իր հիմնադրման առաջին օրէն Հայոց Եկեղեցին նկատած է ազգային կեանքի ամենակարևոր հաստատութիւնը: Տիար Պերճ Սեդրակեանը հաւաստիացուց, որ ՀԲԸՄ-ը պիտի շարունակէ իր զօրակցութիւնը բերել Հայաստանեայց Առաքելական Ս․ Եկեղեցւոյ և անոր առաքելութեան հայ ժողովուրդի կեանքին մէջ։ «Մեզի համար ամէնէն երկրորդական կը նկատուի, եթէ մեր Եկեղեցին չզօրանայ, մենք հզօր Հայրենիք եւ ազգ չենք ունենար, եթէ մեր Եկեղեցին չզօրանայ։ Եթէ դարերու ընթացքին մենք մեր ինքնութիւնը պահած ենք, ապա այդ միմիայն Եկեղեցւոյ ծառայութեան շնորհիւ եղած է։ Ուստի, պիտի տեսնենք, թէ ինչպէս կրնանք Եկեղեցւոյ առաքելութիւնը զօրացնել, որովհետեւ Հայոց Եկեղեցւոյ առաքելութեան զօրացումը մեր զօրացումն է», – ընդգծեց ՀԲԸՄ-ի նախագահը։
Շաբաթ օր, Նոյեմբեր 12-ին, Ամենայն Հայոց Կաթողիկոս Ն.Ս.Օ.Տ.Տ. Գարեգին Բ պիտի նախագահէ Արմոնքի Սուրբ Ներսէս Հայկական Ճեմարանի նոր համալիրի պաշտօնական բացման, Սուրբ Յակոբ Ճեմարանի մատուռի օծման եւ Գարեգին Ա Աստուածաբանական Նոր Կեդրոնի ժապավէնը կտրելու արարողութիւններուն:

Back to top
X