Գանատահայոց Թեմի Առաջնորդի Այցելութիւնը Դէպի Էտմընթոն

Ապրիլ 8 եւ 9, 2016-ին Գանատահայոց Թեմի Առաջնորդ Գերաշնորհ Տ. Աբգար Եպիսկոպոս Յովակիմեանը, հովուապետական այցով մեկնեցաւ դէպի Էտմընթոն, Ալպերթա։

Ապրիլ 8-ին Գերաշնորհ Սրբազան Հայրը ներկայ գտնուեցաւ Duke of Edinburgh-ի անուան Արծաթեայ շքանշամի հանդիսութեան, որ տեղի ունեցաւ կառավարատան մէջ եւ ուր պարգեւատրուեցաւ Էտմընթոնի հայ համայնքի երիտասրադներէն Սվետլանա Գրիգորեանը պատուաւոր արծաթեայ շքանշնաով։

Ապրիլ 9-ին, Գերաշնորհ Սրբազան Հայրը վերահսկեց Էտմընթոնի Ս. Նարեկ ծուխի տարեկան անդամական ժողովը։ Ապա, ժողովին աւարտէն ետք մատուցեց Ս. Պատարագ Ս. Ֆիլիբ Անտոքեան Ուղղափառ եկեղեցուոյ մէջ։

Պատարագին աւարտէն ետք Էտմընթոնի եւ Րետ Տիր շրջաններու հայորդիները միախմբուեցան եկեղեցւոյ ներքնսրահին մէջ։ Մէկ վայրկեան յոտնկայս լռութամբ նահատակներուն յիշատակը յարգեցին, որոնք զոհուեցան՝ Արցախի վերջին նախայարձակումներուն ընթացքին, ետքը սկիզբ առաւ գեղարուեստական յայտագիրը մասնակցութեամ Էտմընթոնի կիրակնօրեայ հայկական դպրոցի աշակերտներուն որոնք հանդէս եկան «Նազանի» ազգային պարով եւ ասմունքներով ու այլ գեղարուեստական պատկերներով։

Back to top
X