Գանատահայոց թեմի 32-րդ Թեմական Պատգամաւորական ժողովը տեղի ունեցաւ Մայիս 29-30, 2015-ին, հիւրընկալութեամբ Սէնթ Քաթրինզի Ս. Գրիգոր Լուսաւորիչ ծուխին, նախագահութեամբ Գանատահայոց Թեմի Առաջնորդ գերշ. Տ. Աբգար եպս. Յովակիմեանի եւ ատենապետութեամբ տիար Ժագ Ստեփանեանին։

Պատկառելի թեմական պատգամաւորական ժողովին իրենց գրաւոր բարեմաղթանքները փոխանցած էին՝ Ն.Ս.Օ.Տ.Տ. Գարեգին Բ Ամենայն Հայոց Հայրապետը, Գանատայի վսեմաշուք վարչապետ Սթիվըն Հարփըրը, Գանատայի Եկեղեցիների Խորհուրդի գլխաւոր քարտուղար Տոքթ. Քարին Համիլթընը։

Թեմի Հոգեւորականաց Համագումարով սկիզբ առաւ Պատգամաւորական ժողովը։ Ժողովի նիստերու ընթացքին քննարկուեցան Առաջնորդարանի յարակից մարմիններուն եւ առաքելութեանց առընչուած հարցերը եւ համապատասխան առաջարկներ ներկայացուեցան ու վաւերացուեցան։ Ի մասնաւորի ներկայացուեցաւ եւ հաստատուեցաւ Թեմական Խորհուրդի, Կալուածոց Մարմնի, Ընտրողական Յանձնախումբի եւ Հաշուէքննիչ մարմնի տեղեկագրութիւնները։

Համաձայն Թեմի Կանոնադրութեան, Պատգամաւորական ժողովը ընտրեց երկու հոգեւորական եւ երկու աշխարհական անձինք՝ Տ. Զարեհ Աւ. Քհնյ. Զարգարեան եւ Տ. Վազգէն Քհնյ. Պոյաճեան եւ Թորոնթոյէն Տիկ. Աբէթ Ալփայ, Լավալէն Տիար Ժագ Սէրայտարեան, որպէս թեմի բարձրագոյն գործադիր մարմնի՝ Տեմական Խորհուրդի անդամներ։

Շաբաթ երեկոյեան, կազմակերպութեամբ Սէնթ Քաթրինզի Ս. Գրիգոր Լուսաւորիչ եկեղեցւոյ ծխական խորհուրդի տեղի ունեցաւ ճաշկերոյթ ի պատիւ Պատգամաւորական Ժողովի մասնակիցներուն։

Առաջնորդարանի գործունէութեան թափանցիկութեան եւ համայնքային կեանքի առաւել ամրացման նպատակով, առաջին անգամ ըլլալով Առաջնորդը հրաւիրեց Հայկական կազմակերպութիւններու եւ կուսակցութիւններու ներկայացուցիչներուն ներկայ գտնուելու Թեմական պատգամաւորական Ժողովին որպէս դիտորդներ։

Սեղմել եւ կարդալ Ծայրագոյն Պատրիարք եւ Ամենայն Հայոց Հայրապետի պատգամը (Հայերէն)

Սեղմել եւ կարդալ Գանատայի վարչապետ Սթիվըն Հարփըրի պատգամը (Անգլերէն եւ Ֆրանսերէն)

Սեղմել եւ կարդալ Գանատայի վարչապետ Սթիվըն Հարփըրի պատգամը (Հայերէն)

Սեղմել եւ կարդալ Գանատայի Եկեղեցիների Խորհուրդի գլխաւոր քարտուղար Տոքթ. Քարին Համիլթընի պատգամը (Անգլերէն)

Click to see the photo album