10 Մայիս 2015-ին, Էտմընթընի Ս. Նարեկ Հայց. Առաք. Եկեղեցին համագործակցութեամբ Հռոմէական Կաթողիկէ Թեմին հետ միատեղ, կազմակերպեցին յատուկ յիշատակի Պատարագ նուիրուած Հայոց Ցեղասպանութեան 100-ամեակին:

Արարողութիւնը կը ղեկավարէր Բարձրաշնորհ Ռիչըրտ Արք. Սմիթ, Սէն-Ժոզէֆ Պասիլիքայի մէջ, ընկերակցութեամբ՝ Գերշ. Տ. Աբգար Եպս. Յովակիմեանի, Առաջնորդ Գանատահայոց Թեմին: Սրբազան Հայրը Էտմընթըն կը գտնուէր յատկապէս այս յիշատակի արարողութեան մասնակից ըլլալու համար:

Պատարագին ներկայ էին աւելի քան 1200 հաւատացեալներ, որմէ ետք, անոնք հաւաքուեցան Պասիլիքայի սրահը, որ սիրայօժար կերպով տրամադրուած էր Հայ Համայնքին Կաթողիկէ Թեմին կողմէ:

https://www.youtube.com/watch?v=uL03-xPxIqE