Հինգշաբթի, 23 Ապրիլ 2015-ին, Լաւալի Ս. Խաչ Հայց. Առաք. Եկեղեցւոյ Հոգեւոր Հովիւ, ընկերակցութեամբ Թեմական Պատուիրակութեան, Գանատահայոց Թեմի Առաջնորդ՝ Գերշ. Տ. Աբգար Եպս. Յովակիմեանի անունով, ներկայ գտնուեցան Հայոց Ցեղասպանութեան 100-Ամեակի ոգեկոչման յիշատակին Մոնթրէալի քաղաքապետարանին մէջ: Ձեռնարկը կազմակերպուած գործօն մասնակցութեամբը Պրն. Յարութ Շիթիլեանի, Փոխ-Նախագահ Մոնթրէալի Գործադիր Մարմնի:

Մոնթրէալի Քաղաքապետ՝ Պրն. Տէնիս Գօտէր, ընկերակցութեամբ Մոնթրէալի ընտրուած իշխանութիւններուն, ողջունեց հոգեւորական, քաղաքական եւ համայնքային կազմակերպութիւններու ներկայացուցիչները, որոնք եկած էին յարգանքի տուրք մատուցելու ի յիշատակ Հայոց Նահատակներուն: Ան յայտնեց՝ համերաշխութիւնը Հայ ժողովուրդին հետ կիրարկուող եւ շեշտեց կարեւորութիւնը 1915-ի Հայոց Ցեղասպանութեան նահատակներու պատշաճ յիշատակման:

Իր խօսքին մէջ, Քաղաքապետ Գօտէր դատապարտեց Հայոց Ցեղասպանութիւնը եւ յատուկ ուշադրութեան ենթակայ դարձուց Մոնթրէալահայութեան դերն ու ներդրումը քաղաքի բարգաւաճման:

Սեղմել այստեղ կարդալու Մոնթրէալի Քաղաքապետարանի Հաղորդագրութիւնը