18 Փետրուար 2020-ին, Ղեւոնդեանց տօնի առիթով Գանատահայոց Թեմի Առաջնորդարանի յարկէն ներս տեղի ունեցաւ Գանատահայոց Թեմի հոգեւորաց դասի հերթական հաւաքը՝ նախագահութեամբ Գանատահայոց Թեմի բարեխնամ Առաջնորդ Գերշ. Տէր Աբգար եպս. Յովակիմեանի:

Գանատայի զանազան քաղաքներէն եկած Թեմիս ծուխերու հոգեւոր հովիւները, զեկուցեցին իրենց տիրախնամ ծուխերու եւ մատուցուած ծառայութեանց մասին:

Ժողովի ընթացքին մշակուեցան ու որոշումներ ընդունուեցան Գանատահայոց Թեմի կանոնական իրաւունքներուն վերաբերող զանազան իրադարձութիւններու, ինչպէս նաեւ Հայ Առաքելական ծուխերուն ծեսական ու հոգեւոր առօրեայի մասին: