14 Ապրիլ 2019-ին, Գանատահայոց Թեմի Բարեխնամ Առաջնորդ Գերշ. Տ. Աբգար եպիսկոպոս Յովակիմեանը, առընթերակայ ունենալով Համիլթընի Սուրբ Մարիամ Աստուածածին եկեղեցւոյ հոգեւոր հովիւ Արժ. Տ. Հրանդ քահանայ Մանուկեանը, Օնթարիոյ, Համիլթընի Սուրբ Մարիամ Աստուածածին եկեղեցւոյ մէջ Ծաղկազարդի առիթով հանդիսաւոր Սուրբ եւ Անմահ Պատարագ մատուցեց:

Պատարագի ընթացքին, Գերշ. Սրբազան Հայրը յայտնեց, որ Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ի Հայրապետական տնօրինութեամբ, Արժ. Տ. Հրանդ քահանայ Մանուկեանը արժանացաւ Լանջախաչ կրելու իրաւունքին:

Յաւարտ Սուրբ Պատարագին, Սրբազան Հայրը մանուկներուն օրհնեց: