Թեմական Պատգամաւորական 36-րդ Տարեկան Ժողովը

Գանատահայոց Թեմի 36-րդ Տարեկան Թեմական Պատգամաւորական ժողովը կայացաւ Մայիս 24-26, 2019-ին, Օնթարիոյ, Օթթաուայի Սուրբ Մեսրոպ Հայաստանեայց Առաքելական Եկեղեցւոյ հիւրընկալութեամբ։ Գանատայի չորս կողմի ծուխերէն, ժողովին մասնակցելու եկած պատգամաւորները, նշեցին նաեւ Հայց. Առաք. Սուրբ Մեսրոպ եկեղեցւոյ Ծուխի հիմնադրաման 40-ամեակը։

Ժողովը նախագահեց Գանատահայոց Թեմի Առաջնորդ Գերշ. Տ. Աբգար Եպիսկոպոս Յովակիմեանը։

Այս պատմական առիթով՝ Ամենայն Հայոց Կաթողոկոս Ն.Ս.Օ.Տ.Տ. Գարեգին Բ-ը, Մայր Աթոռ Սուրբ Էջմիածինէն իր Հայրապետական օրհնութիւնները յղեց Գանատայի մէջ ապրող Հայց. Առաք. Եկեղեցւոյ հօտին։

Գանատայի կառավարութեան անունով՝ Գանատայի Վարչապետ Ճասթին Թրուտոն յատուկ ուղերձով ողջունեց ժողովի մասնակիցներուն եւ յաջողութիւն մաղթեց։

Յատուկ ուղերձներով ողջունեցին ժողովի մասնակիցներուն Օնթարիոյ Նահանգի վարչապետ Տակ Ֆորտն եւ Օթթաուայի քաղաքապետ Ճիմ Վաթսըն:

Մայիս 25-ին, Գերաշնորհ Տ. Աբգար եպս. Յովակիմեանը վերընտրուեցաւ Գանատահայոց Թեմի Առաջնորդ:

Ժողովի ընթացքին ներկայացուեցան 2018 թուականի Գանատահայոց Թեմի գործունէութիւնը, ինչպէս նաեւ հայերէն, անգլերէն եւ ֆրանսերէն լեզուներով տարեգիրքը:

Պատգամաւորները քննարկեցին եւ համապատասխան որոշումներ ընդունեցին ըստ Գանատահայոց Թեմի առաքելութիւններու՝ Տիկնաց Կեդրոնական Մարմին (WGCC), Հայաստանի Երեխաներու Հիմնադրամ (CFFA), Գանատահայոց Կատարողական Արուեստներու Յանձնախումբ (CAAPA), Արարատ ճամբար, Առաջնորդարանի մնայուն հիմնադրամ եւ ընդհանուր նիւթաբարոյական զեկոյցներուն։

Ժողովի ընթացքին ընտրուեցան Թեմական Խորհուրդի՝ Թեմի բարձրագոյն գործադիր մարմինի, Խնամակալ Խորհուրդը, Ընտրողական եւ Հաշուէքննիչ յանձնախումբերու անդամները։

Շաբաթ օրը երեկոյեան, Օթթաուայի Սուրբ Մեսրոպ Հայաստանեայց Առաքելական Եկեղեցւոյ Ծխական Խորհուրդը խնճոյք կազմակերպած էր, ի պատիւ ժողովի մասնակիցներուն եւ նշելու Քանատայի մայրաքաղաք Օթթաուայի Ծուխի 40-ամեակը։

Սեղմել այստեղ կարդալու համար 2018 թուականի Թեմական տարեգիրքը

Սեղմել այստեղ կարդալու համար Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ի պատգամը

Սեղմել այստեղ կարդալու համար Գանատայի Վարչապետ՝ Ն.Վ. Ճասթըն Թրուտոյի պատգամը

Սեղմել այստեղ կարդալու համար Օնթարիոյ Նահանգի վարչապետ Տակ Ֆորտի պատգամը

Սեղմել այստեղ կարդալու համար Օթթաուայի քաղաքապետ Ճիմ Վաթսընի պատգամը

Back to top
X