Երիտասրադներու միջկրօնական հանդիպում-քննարկում Գալկըրիի մէջ

Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի տնօրինութեամբ «2018 Երիտասարդներու Տարի» հռչակելու առիթով, Գանատահայոց Թեմը պատրաստած է երիտասրադներու միջկրօնական ծրագիր մը «Նշենք Մեր Բազմազանութիւնը» խորագրով։

Ծրագրի իրագործման համար Թեմիս աջակցութիւն յայտնած է Գանատայի կառավարութիւնը։

Ծրագրի շրջանակներէն ներս՝
– Հանդիպումներ-քննարկումներ պիտի կազմակերպուին՝
Մոնթրէալի մէջ (22-26 Յունուար, 2018-ին),
Թորոնթոյի մէջ (5-9 Փետրուար, 2018-ին),
Գալկըրիի մէջ (20-23 Փետրուար, 2018-ին),
եւ Վանքուվըրի մէջ (5-9 Մարտ, 2018-ին)։
– Կը ստեղծուի յատուկ կայքէջ մը, նուիրուած Գանատայի երիտասարդներու միջկրօնական երկխօսութեանը։
– Մասնակից համայնքներու անդամներուն կը տարածուին շրջաբերականներ, եւ
– Կը նկարահանուի վաւերագրական տեսանիւթ։

Միջոցառումները կը կազամակերպուին «Համաշխարհային Միջկրօնական Համերաշխութեան» շաբթուայ առիթով, որ հռչակուած է 20 Հոկտեմբեր 2010-ին ՄԱԿ-ի Գլխաւոր Վեհաժողովի կողմէ։

Ծրագիրը կը համախմբէ՝ Քրիստոնեայ, Հրեայ, Մահմետական, Պուտտայական, Սիկխական եւ Հնդիկ համայնքներու երիտասարդներ ու հոգեւորականներ։

Ծրագիրը Գանատայի կրօնական բազմազանութեան, դաւանանքներու միջեւ երկխօսութեան մասին տեղեկութիւն հայթայթող աղբիւր պիտի հանդիսանայ։

Այսու, կը հրաւիրենք երիտասարդներուն մասնակցելու ծրագրին:

Ցանկութիւն ունենալու պարագային, գրել հետեւեալ ելեկտրոնային հասցէներուն՝
Գանատահայոց Թեմի Առաջնորդարան – contact@armenianchurch.ca
Մոնթրէալի Սուրբ Գրիգոր Լուսաւորիչ Հայց. Առաք. Եկեղեցի – stgregorychurch@gmail.com
Թորոնթոյի Սուրբ Երրորդութիւն Հայց. Առաք. Եկեղեցի – admin@torontoarmenianchurch.com
Գալկըրիի Սուրբ Զօրաւոր Հայց. Առաք. Եկեղեցի – armenianchurchofcalgary@yahoo.ca
Վանքուվըրի Սուրբ Վարդան Հայց. Առաք. Եկեղեցի – stvartan1967@yahoo.ca

Իւրաքանչիւր քաղաքի մէջ, հանդիպումներուն մասնակցելու համար՝ պիտի ընտրուին 18-էն 35 տարեկան երեք երիտասարդներ։ Մասնակիցները կարճ ելոյթ մը պէտք է ներկայացնեն, Գանատայի Հայց. Առաք. Եկեղեցւոյ մասին։

Մասնակցութիւնն անվճար է եւ հանդիպումներու օրերուն մասնակիցներուն՝ Գանատահայոց Թեմի կազմակերպութեամբ ճաշեր պիտի մատուցուին։

Back to top
X